Ayni paytda Toshkent viloyatining Parkent hamda Samarqand viloyatining Jomboy tumanlarida sinov tariqasida qishloq xo‘jaligi sohasini ro‘yxatdan o‘tkazish tadbirlari o‘tkazilmoqda.
Ushbu tadbirlar Vazirlar Mahkamasining 2022- yil 19- apreldagi “O‘zbekistonda sinov tariqasida qishloq xo‘jaligi sohasida ro‘yxatdan o‘tkazish ishlariga tayyorgarlik ko‘rish va ularni amalga oshirish chora-tadbirlari to‘g‘risida”gi 197- son qaroriga asosan tashkil etilyapti.
Mazkur sinov jarayonlarida maxsus tayyorlangan registratorlar uy-joy va xo‘jalik yurituvchi subyektlarning amalda mavjudligini joylarga chiqqan holda xatlovdan o‘tkazishmoqda.
Dаvlаt stаtistikа qo‘mitаsi Rаisi Begalov Bahodir Abdusalomovich Toshkent viloyati Parkent tumanida sinov tariqasida o‘tkazilayotgan qishloq xo‘jaligi sohasini ro‘yxatdan o‘tkazish jarayonlari bilan yaqindan tanishdi.
Qo‘mita raisi ro‘yxatga olish jarayonlarida registratorlar va aholiga qishloq xo‘jaligi sohasida ro‘yxatdan o‘tkazishning maqsad va vazifalari, ro‘yxatdan o‘tkazish ishlariga tayyorgarlik ko‘rish va ularni amalga oshirishni tartibga soluvchi asosiy normativ-huquqiy hujjatlar haqida batafsil
tushuncha va tavsiyalar berdi.
Sinov tariqasida roʻyxatga olish jarayonlari davom etmoqda.