Welcome to TOSHKENT VILOYATI STATISTIKASI   Click to listen highlighted text! Welcome to TOSHKENT VILOYATI STATISTIKASI Powered By GSpeech

Xoʼjalik yurituvchi subʼektlar diqqatiga! oyning 5 sanasidan kechiktirmay 1-K shakli oylik (Tashkilot faoliyati toʼgʼrisida) hisobotini eStat 3.0 avtomatlashtirilgan tizimi orqali elektron raqamli imzodan foydalangan holda taqdim etishlari lozimligi yuzasidan ogohlantirib oʼtamiz

Korruptsiya – mansab mavqeidan shaxsiy maqsadlarida foydalanish bilan bogʼliq boʼlgan ijtimoiy-huquqiy hodisa. Аksariyat hollarda korruptsiya deganda davlat amaldorlari tomonidan shaxsiy manfaatlarni koʼzlab, boylik ortirish maqsadida fuqarolardan pora olish, qonunga xilof pul daromadlarini qoʼlga kiritish tushuniladi.

Quyidagilar korrutsion xarakatlar hisoblanadi:

  1. Pora berish va olish;
  2. Mol-mulk talon taroj qilinishi, noqonuniy oʼzlashtirilishi yoki koʼzda tutilgan maqsadlarda ishlatmaslik;
  3. Gʼarazli maqsadlarda mablagʼlardan foydalanish;
  4. Xizmat lavozimining suyistʼtemol qilinishi;
  5. Jinoyatni yashirish.

Korruptsiya barqaror rivojlanish uchun toʼsiq

Mamlakatimizda ijtimoiy-iqtisodiy taraqqiyotda inson omili ustunligini taʼminlash, barcha sohada odamlar duch kelishi mumkin boʼlgan turli byurokratik toʼsiq va gʼovlarning, sansalorlik holatlarining oldini olish saʼy-harakatlari qamrovi kengaymoqda. Bu esa davlat idoralari hamda xalq oʼrtasida ochiq, shaffof munosabatlar qaror topishida, fuqarolarning ijtimoiy adolatga boʼlgan ishonch tuygʼusi mustahkamlanishida muhim oʼrin tutmoqda.

Shu bilan birga, “Аdolat-qonun ustuvorligida” tamoyili asosida jamiyatda qonunlarga hurmat hissini, qonunbuzilishlarga nisbatan murosasiz yondashuvni kuchaytirish oʼzining dolzarb ahamiyatini yoʼqotgani yoʼq. Davlatimiz rahbari taʼkidlaganidek, jamiyatimizda korruptsiya, turli jinoyatlarni sodir etish va boshqa huquqbuzarlik holatlariga qarshi kurashish, ularga yoʼl qoʼymaslik, jinoyatga jazo albatta muqarrar ekani toʼgʼrisidagi qonun talablarini amalda taʼminlash boʼyicha qatʼiy choralar koʼrilmoqda.

Respublikamizda korruptsiyaga qarshi kurashish sohasida tegishli tashkiliy-huquqiy baza yaratildi, Oʼzbekiston Respublikasi Prezidentining 2019 yil 27 maydagi “Oʼzbekiston Respublikasida korruptsiyaga qarshi kurashish tizimini yanada takomillashtirish chora-tadbirlari toʼgʼrisida”gi PF-5729-son Farmonida belgilab berilgan vazifalar va ushbu Farmon bilan tasdiqlangan 2019-2020 yillarda korruptsiyaga qarshi kurashish Davlat dasturining ijrosini taʼminlash maqsadida, Davlat statistika qoʼmitasining 2019 yil 5 iyuldagi 78-sonli buyrugʼiga asosan Toshkent viloyati statistika boshqarmasining 2019 yil 8 iyuldagi 58-sonli buyrugʼi bilan 2019 yil ikkinchi yarim yilligiga moʼljallangan korruptsiyaga qarshi kurashish boʼyicha idoraviy Kompleks chora-tadbirlar rejasi ilovaga muvofiq tasdiqlandi.

“Korruptsiyaga qarshi kurashish toʼgʼrisida”gi Oʼzbekiston Respublikasi Qonuni qoidalarining samarali ijrosini taʼminlash, shuningdek tizim organlarida Oʼzbekiston Respublikasi Prezidentining 2019 yil 27 maydagi “Oʼzbekiston Respublikasida korruptsiyaga qarshi kurashish tizimini yanada takomillashtirish chora-tadbirlari toʼgʼrisida”gi PF-5729-son Farmoni ijrosini taʼminlash maqsadida, Toshkent viloyati statistika boshqarmasi va uning hududiy statistika boʼlimlarida “2019-2020 yillarga moʼljallangan korruptsiyaga qarshi kurashish boʼyicha idoraviy kompleks chora-tadbirlar rejasi” ishlab chiqilgan.

Boshqarma va hududiy statistika boʼlimlari tomonidan ushbu kompleks chora-tadbirlar rejasi va qonun hujjatlarida belgilangan vazifalarning ijrosini taʼminlash yuzasidan doimiy monitiring oʼrnatilib, nazoratga olindi.

Kompleks chora-tadbirlar rejasiga muvofiq korruptsiyaning oldini olish boʼyicha chora-tadbirlarni amalga oshirishda ijtimoiy sheriklik mexanizmlaridan keng foydalanish, shu jumladan boshqarma va hududiy statistika boʼlimlari hamda nodavlat notijorat tashkilotlari, fuqarolik jamiyatining boshqa institutlari oʼrtasida kelishuvlar va shartnomalar tuzildi.

Boshqarma huzurida tashkil qilingan Jamoatchilik maslahat kengashi tomonidan tadbirkorlik subʼektlarining talab va ehtiyojlarini inobatga olgan holda, kelgusida davlat statistika sohasi yoʼnalishlarini yanada rivojlantirish ulardan kelib tushgan murojaatlarni tahlil qilish va ularning yechimi boʼyicha tavsiyalar berildi. Tadbirkorlik faoliyatini har tomonlama qoʼllab-quvvatlash va ularga qulay sharoitlar yaratish borasida boshqarma va hududiy statistika boʼlimlarida amalga oshirilayotgan chora-tadbirlarning natijadorligi yuzasidan doimiy ravishda muhokama qilib borilmoqda.

Boshqarmada 2019-2020 yillarga moʼljallangan korruptsiyaga qarshi kurashish boʼyicha idoraviy kompleks chora-tadbirlar rejasida belgilab berilgan topshiriqlarni ijrosini taʼminlash, tadbirkorlik subʼektlari va jismoniy shaxslarga yetkazish maqsadida joylarda seminarlar oʼtkazilmoqda.

Oʼzbekiston Respublikasining “Davlat hokimiyati va boshqaruvi organlari faoliyatining ochiqligi toʼgʼrisida”gi Qonuni talablarini toʼliq bajarish yuzasidan boshqarmaning rasmiy veb-sayti www.toshvilstat.uz ga ochiq statistik maʼlumotlar har oy yakuni boʼyicha joylashtirilib, uning uzluksiz faoliyat olib borilishi taʼminlanmoqda. Davlat statistika organlari faoliyatini ochiqligini yoritib beruvchi maʼlumotlarni keng jamoatchilikka yetkazish, shu bilan birga Davlat statistika qoʼmitasi tomonidan berilgan topshiriqlarning boshqarma va hududiy statistika boʼlimlarida ijro etilishi yuzasidan doimiy ravishda oʼrganishlar oʼtkazilmoqda.

Boshqarma va hududiy statistika boʼlimlari tomonidan oʼz faoliyatining tizimli tahlilini olib borish, korruptsiya xavfiga duchor boʼlgan soha va yoʼnalishlarni aniqlash, korruptsiyaga oid huquqbuzarliklarga yoʼl qoʼymaslikning taʼsirchan choralarini oldindan koʼrish asosida korruptsiyaning oldini olish boʼyicha barcha xodimlar ogohlikka chaqirilib, tushuntirishlar olib borilmoqda. Tadbirkorlik subʼektlariga ham doimiy ravishda tushuntirishlar berib borilmoqda.

Boshqarma va hududiy statistika boʼlimlarida axborot–munikatsiya texnologiyalaridan samarali foydalanish va bu borada nazorat olib borilmoqda.

“Korruptsiyaga qarshi kurashish toʼgʼrisida”gi Oʼzbekiston Respublikasi Qonunining hayotga tatbiq etilishi, shubhasiz, iqtisodiyotning harakatlantiruvchi kuchi boʼlgan tadbirkorlik subʼektlari manfaatlari ustuvorligini amalda taʼminlash, ijtimoiy-iqtisodiy taraqqiyotda inson omili ustunligini taʼminlash, barcha sohada odamlar duch kelishi mumkin boʼlgan turli byurokratik toʼsiq va gʼovlarning, sansalorlik holatlarining oldini olish davlat organlari va tadbirkorlik subʼektlari oʼrtasida samarali muloqotni mustahkamlash, tadbirkorlik subʼektlarining faoliyatini ragʼbatlantirish, ularning huquqlari va qonuniy manfaatlarini biror-bir shaklda buzish holatlariga barham berish imkoniyatini yaratmoqda. Bularning barchasi mamlakatimizning iqtisodiy qudratini yuksaltirish, aholini barqaror va sifatli ish bilan taʼminlash, odamlar turmush sifati va darajasini yanada yaxshilash, jamiyatda ijtimoiy barqarorlikni mustahkamlashga xizmat qiladi.

Toshkent viloyati statistika boshqarmasi

 

 

Tugmani bosing Tinglash